Chand Guzarishaat

 Ahqar ne Hadees aur Ahle Hadees ke muqaddama me likha tha

“Raaqim ke paas Bukhai Shareef ki un Ahadis aur Imaam Bukahri rah ke un ijtehadaat ki ek taweel fehrist maujood hai jin par Ghair Muqallideen ka Amal nahi hai , Bakhauf e tiwalat yahan iska tazkara tark kiya ja raha hai kisi doosre Maqaam par wo fehrist pesh ki jayegi Insha Allah "

(HADEES AUR AHLE HADEES 106)

 Irada to tha ke jald az jald fehrist nazar e Qara’een kar diya jaye lekin adeem ul fursati aur deegar umoor ki Anjaam dahi aade aati rahi shadid intezar ke bad Allah Ta’ala Ki Taufiq aur madad se ab wo fehrist nazar e Qareen ki jarahi hai ye Baat pesh-e- Nazar rahni chahiye ki Bukhari Shareef  ki Ahaadis aur Hazrat Imaam Bukhari rah ke Ijtehadaat ki ye fehrist sar sari nazar me murattab ki gayi hai , is liye ye na samjha jaye ki bas yahi Hadis aur ijtehadat aise hai jin par Ghair Muqallideen hazraat ka amal nahi Balki Talash karne par aur bahut si ahadis o ijtehadaat bhi mil sakte hain jin par Ghair Muqallideen ka Amal nahi.

Qabl is ke ki wo fehrist pesh ki jaye Hazrat Imaam Bukhari rah ke mukhtasar haalaat e Zindagi pesh ki jate hai taake un ki roshni me Andaza lagaya ja sake ki Hazraat Ghair Muqallideen . Hazrat Imaam Bukahri rah se kis Qadar muttafiq hai aur in ka un se Aqeedat o mohabbat ka Izhar kaise hai .

KYA GHAIR MUQALLIDEEN SAHEEH BUKHARI PAR AMAL KARTE HAIN??

Bismillahir Rahmanir Raheem

Aam taur par ye dekhne me aata hai ki Ghair Muqallideen Hazraat e Muhaddeseen kiraam me se Ameerul Momineen Fil Hadees Hazrat Imaam Bukhari rahmatullahi alaih se bohat ziyada Aqeedat o Mohabbat ka Izhaar karte hain aur un ki Kitab “ AL JAME AL SAHEEH " ko kutub e Ahadees me sab se ziyada ehmiyat dete hain, isi Binaa par unka Aksar yahi mutalaba hota hai ki Bukhari Shareef se Hadis dikhai jaye, Aqeedat o Mohabbat ka Talluq Dil Se hai aur Dil par kisi ki ijaara daari nahi , Insan ke Dil me jis ki Aqeedat o Mohabbat paida ho Haq hai Bashart yeh ke Mohabbat Bar Haq ho, Is Lihaaz se hamey Ghair Muqallideen Hazraat se shikayat to nahi ki wo Hazrat Imaam Bukhari rah se Aqeedat o Mohabbat ke Izhaar kyu karte hain , Haan ye shikayat  Zaroor hai ke  wo apni is Aqeedat o Mohabbat me khaam waqai hue hain, Is liye Ki Muhabbat ka Taqaza to ye hai ki Mahbub ki har baat ko Mana jaye aur Mehboob ki har Adaa ko Apnaya jaye chunanche Hazrat Rabiya Basriya rah farmati hain.

لو كان حبك صادقا لاطعته

ان المحب لمن يحب مطيع

LAU KAANA HUBBUKA SAADIQAN LAATA’TAHUU

INNAL MUHIBBA LIMAN YUHIBBU MUTEE’

TARJUMA: Teri Mohabbat Agar Sachchi Hoti to Mehboob ki Ita’at karta , Kyuu ki Muhib Mehboob ka mutee’ aur farmabardaar hota hai(Mirqat Jild 9 safa 250)

lekin Jab hum Haalaat o Waqiyaat ka jayeza lete hain to Maloom hota hai ki Ghair Muqallideen hazraat Imaam Bukhari rah se Haqeeqat me aisi Mohabbat o Aqeedat nahi rakhte ki un ki har Baat ko maane aur har adaa ko apnayen kyu ki Hazrat Imaam Bukhari rah ki seerat aur aap ki Kitab Bukhari Shareef ke Mutalaye se maloom hota hai ki Ghair Muqallideen Hazraat chand Mutanaze Masael Ke ilawa wo Hazrat Imaam Bukhari rah se na Tamam Aqaid me Muttafiq hai na Tamam Aamaal me jahan un Hazraat k Aqaid O Aamaal ke khilaaf Hazrat Imam Bukhari Rah ke Aqeeda ya Amal pesh kiya jata hai ye Hazraat uske maanne se saaf inkaar kar dete hain Yahi Haal Bukhari Shareef ka hai ki jab hi Ghair Muqallideen hazraat ko Bukhari Shareef se wo Hadis jo unke Mauquf ke khilaaf hoti hai dikhlai jati hai ya Hazrat Imaam Bukhari rah Ka koi Ijtehaad in hazraat ke khilaaf dikhlaya jata hai to ye usey Maanne se inkaar kar dete hain aur us mawqe par in hazraat ki Hazrat Imam Bukhari se saari Aqeedat o Mohabbat kaafoor hojati hai ye tarze Amal aisa hai jo yaqeenan Shikayat ka mojib hai. Isi shikayat ko awaam ke saamne “Ghair Muqallideen Imam Bukhari rah ki Adalat me” ke unwaan se pesh kiya ja raha hai. Is  kitaab me Hazrat Imam Bukhari rah ki Hayaat Tayyaba aur Aap ki kitab Bukhari Shareef ke hawale se ye dikhaya gaya hai ki Ghair Muqallideen Hazraat zuban se zaroor Hazrat Imam Bukhari rah se Aqeedat o Mohabbat ka izhaar karte hain lekin in ka Amal is ke Bilkul khilaaf hai.

Maujooda Daur ke Fitne Aur Hamari Majboori

 Qareen-e- Muhtaram :

Maujooda daur ke Haalaat ka Taqaza to ye tha ki sab Musalman Muttahid wa Muttafiq ho kar Ilhaad o dehriyat, Isaiyat O Saihooniyat ki badhti hui yalgaar ka paamardi se Muqabala karte taa ki Aalam e Kufr ko Musalmano par Jug hansai ka mauqa na milta Lekin Afsos ki hamare Ghair Muqallideen bhai in pur fitan aur muheeb haalaat se sarfe Nazar karte hue chand firoi masayel ko hawa dene aur unka parchaar karne me lage huye hai aur un ko Imaan wa kufar ka darja de rakha hai is par mustazaad ye K Faqat apne aap ko Haq par samajhte hain Baqi sab ko “Fin Nar was Saqar” qaraar dete hain . Ghair Muqallideen ka ye Ghair Mohtaat aur jaarhana rawayya jo unho ne har jagah apna rakha hai watan-e- Azeez ho ya diyaare ghair , ye hame jawaab dene par majboor karta hai , Hamari ye tehreer bhi sabeqa tehreeraat ki tarah Iqdaami ke bajaye difai hai jis me Ghair Muqallideen Hazraat ko tehzeeb wa shaistagi ke dayere me sirf ye batlaya gaya hai ki wo aise dawe na kiya karen jin par poora na utar saken .

 Raaqimul huroof ne ye tehreer aaj se 3 saal qabl Deoband me baaz mukhliseen k shadeed israar par shuru ki thi darmiyaan me masroofiyaat aur mawaane pesh aate rahe jis ki wajah se is ke Ehtemaam me taakhir hoti rahi ab Allah Ta’ala ki Taufiq o Madad se ye Tehreer paaye takmeel ko pohanch kar aap ke Haatho me aagai hai. Allah Ta’ala se Dua hai ki Wo is tehreer ko Qabool farma kar Raaqim ki najaat aur awaamun naas ki hidayat ka zariya banaye aur jin Ahbaab O Mukhliseen ne is ki tasneef o Taba’at me hissa liya hai Unhe apni Shayaane shaan jaza Ata farmaye Aameen summa Aameen.

وما علينا الا البلاغ المبين

wamaa Alaina Illal balaaghul Mubeen

 Anwar Khursheed.

Ghair Muqallideen se kis tarah baat karen

...........Ruku me jate aur sir uthate waqt Rafa yadain karna farz hai, wazib hai ya sunnat hai ya nafil hai ?

 Agar Koi in maqamat par Rafa yadain na kare to uski namaz ho jayegi ya nahi ?

Agar koi Ruku me Subhana Rabbial Azeem ki jagah Subhana Rabbial A’alaa aur Sajde me Subhana rabbial A’laa ki jagah Subhana Rabbial Azeem keh le to uski Namaz hogi ya Nahi ?

Ala hazal Qiyaas ye puchen ki Hawai Jahaz ( Airoplane ) Me agar koi namaz padhe to uski Namaz ho jayegi ya Nahi ?

 Wo cassete jin me Quran e Kareem record ho unko baghair Wuzu ke haath lagana jayaz hai ya nahi ?

cassete se Aayat- e- Sajda suni to Sajda e Tilawat wajib hoga ya nahi ?

 Roza me Injection lagwane se roza tutega ya nahi ?

Telephone aur Inter Net par kiye jane wala Nikah Ho jayega ya nahi ? wagaira wagaira .

In sab Masael ka jawab ya To Quran e Kareem ki ayat ya fir kisi Saheeh Sareeh marfoo Hadis se diya jaye kisi Ummati ka Qaul aur apna ijtehad nahi hona chahye kyun ki aap k baqaul ummati ki bila Daleel baat manna TAQLEED hai jo ki shirk hai aur Ijtehad wa Qiyas karna kaare shaitan hai jo ki gumrahi hai –

 Qaraeen e Mohtaram : Ghair Muqallideen ka dawa hai ki wo Ahle Hadis hai jis ka matlab hai Hadis wale aur Muqalledeen ko wo Ahle fiqh wal Rai kehte hain - jis ka matlb hai Fiqh o rai wale,  is soorat me usooli taur par har masle ki hadis ghair muqalledeen hi ko dikhani chahye ki wo baza’m e khuwaish hadis wale hai magar ta’jjub hai ki ye Hazraat ek taraf to hame Ahle Fiqh kehte hain aur doosri taraf har masle me hadis bhi ham se talab karte hain jab ki sire se hamara dawa hi nahi hai ki har masle ki Daleel Hadis me maujood hai –

 Hamare Awaam ko ye baat samajh leni chahye aur jab bhi baat ho Hadis ghair Muqallideen se mangni chahye ki wo apne aap ko Ahle hadis kehte hain yani hadis wale zahir hai ki jis ke paas koi chiz hoti hai usi se wo chiz mangi jati hai jab Baqaul Ghair Muqallideen k  

 Wale wahi hai aur Hadis unhi ke pass hai to phir Hadis unhi ko dikahni chahye neez jab Baqaul un ke hamare pass Hadis hai hi nahi fiqh hai to phir Unhe ham se hadis ka mutalaba bhi nahi karna chahye . Ye Baat bhi Qaabil e Ghaur hai Muqallideen Ahnaaf jab Ghair Muqallideen ko Apne mauqoof se mutalliq ahadis dikhate hain to aksar un ka Mutalaba hota hai ki Hadis Bukahri Shareef se dikhai jaye Halanki ye Hazrat bhi Ala wajhil baseera  jaante hai ki har masla Ki Hadis ka Bukhari Shareef me Hona zaroori nahi aisi soorat me hamari awaam ko cahiye ki wo Bukhari Shareef se hadis dikahne ka zimma lene ke bajaye Ghair Muqallideen se mutalaba karen ki wo koi Ayat ya Hadis dikhaye jis me ho ki Hadis sirf Bukhari Shareef ki honi chahye.

 Doosra un se ye mutalaba bhi karen ki pehle wo khud apne tamam masael ki hadis Bukhari Shareef se dikahye phir hum se mutalaba karen,

 Teesra unhe ye batayen ki Aap Hazraat ka khud Bukhari par Amal nahi, Amal to door raha aap ko to sirey se Bukhari par hi Aetemaad nahi. Dekhye Bukhari ki fulaan Hadis par aap ka Amal nahi fulaan par aap ka Amal nahi. Imam Bukhari rahmatullahi alaih k fulaan Ijtehaad par aap ka amal nahi fulaan par aap ka amal nahi suboot chahye to ye Kitab Ghair Muqallideen Imaam Bukhari ki Adalat me pesh kar dijiye - is Kitab me Hazrat Imaam Bukhari rah ki hayaat e tayyaba aur unki kitab Bukhari Shareef se taqreeban 53 masayel me ye dikhlaya gaya hai ki Ghair Muqallideen hazraat na Imaam Bukhari rah se un ke aqayad wa amal me muttafiq hain aur na unhe Imaam Bukhari rah k Ijtehadaat se ittefaq hai aur na wo khaalisatan Bukahri Shareef par Amal karte hain Bukahri shareef me dheron Hadeesen aisi hai jin par Amal karne se bajaye ye log un ke khilaaf amal karte hai -

Sukhan e Guftani

Bismillahir Rahmanir Raheem

Ghair Muqallideen Hazraat apne aap ko Ahle Hadis kehte hain jis ka matlab unke nazdeek ye hota hai ki Hadis ka ilm bhi unhi ko hai aur Hadis par amal bhi wahi karte hain.
Rahey Muqallideen to na to un ke paass Hadis hai aur na wo Hadis par Amal karte hain. Ghair Muqallideen ka ye khayaal khud darai aur khud farebi par mabni hai Haqiqat ye hai ki in hazraat ko fann e Hadis se door ka bhi wasta nahi sirf chand mutanaze  masayel ko takhta e mashq bana kar apne aap ko muhaddis aur Aamil bilhadis samajhne lagey hain yahi wajah hai ki in hazrat se masayel e namaz ka hukum bil khusoos nit naye pesh amad masayel ke ahkaam se muta’lliq ahadis daryaft ki jati hai to baghlen  jhaankne lagte hain aur un hazraat ki kitabo ki taraf rujoo karne lagte hai jinhe wo mushrik kehte nahi thakte .

Agar in hazrat ki hadis daani ka tajarba karna ho to in se chand masayel ka hukum daryaaft kar ke dekh lijiye aap ko un ki hadis daani ka bakhoobi andaza ho jayega -

Maslan in se puchen ki namaz Me takbeer e tahreema farz hai ya wazib hai ya sunnat hai ya nafil ?

Agar koi Takbeer e Tehreema kahe baghair Namaz shuru karde to uski namaz ho jayegi ya nahi ?

Namaz me Takbeer e Tehreema kahte waqt rafa yadain karna farz hai, wazib hai ya sunnat hai ya nafil ? agar koi rafa yadain kiye baghair namaz shuru karde to uski namaz ho jayegi ?

Namaz me haath bahdhna farz hai, wazib hai ya sunnat hai ya Nafil ? agar koi Haath na bandhh to us ki namaz ho jayegi ?

Namaz ke shuru me sana padhna farz hai ,wazib hai ,sunnat hai ya nafil ? Agar koi sana na padhe to us ki namaz ho jayegi ya nahi ? Continue Insha Allah