Koofah ki Ilmi Haisiyat

Koofah ki Ilmi Haisiyat

Munasib maloom hota hai ki is par bhi ek Tayerana nazar dal li jaye ki aakhir Koofah me kaun kaun log the aur Koofah ki kya ilmi haisiyat the ki Hazrat Imaam Bukhari rah ko Talab e Hadees ke liye Baar baar wahan jana pada is silsele me RAQIM AASIM ne tareekh ko Khangala to bahut si mufeed aur ahem malumat hasil huwi, Qara’een e Ikram Tafsil k sath in malumat ko mulaheza farmaen.

Tareekh Me marqum hai ki Farooq -e- Aazam Hazrat Umar razi Allahu anhu ke daur e khilaft me Jab Hazrat Sa’ad Bin Abi Waqqas razi Allahu anhu ne mulk e Iraq fatah kiya to Faruooq e Azam razi Allahu anhu ne Koofah ki Tameer ka hukm diya chunanche 17 hijri me Koofah tameer kiya gaya is k atraaf o jawanib me fusahaye arab aabad kiye gaye, is shahar (city) ke aabad hone ke bad badi tadad ne Jaleelul Qadr Sahaba –e- Kiram yaha tashreef laye .

KOOFAH ME SAHABA IKRAM KA WUROOD

Allama Ibne Sa’ad rah (mutawaffi 230 hijri) farmate hain:

“70 Badri aur 300 Bait e Rizwan me shareek hone wale Sahaba-e- kiram Koofah me tashreef farma huwe the.”

(TABQAAT IBN E SA’AD 6/9)

Hafiz Abu Bishr Dulaabi Rah (mutawaffi 310 hijri) Hazrat Qatada rah se jin ka shumaar taba’EENn me hota hai basanad Naqil hain:

Huzoor sallallahu alaih wasallam ke Sahaba me se ek hazar 50 afrad (1050) aur 24 wo buzurug jo Ghazwa e Badr me aap k Hamerkaab rahe the Koofah me aakar farokash huwe.

(كتاب الكني والاسماء 174/)

Imam Abul Hasan Ahmad Bin Abdullah Ajli rah(mutawaffi 261 hijri) farmate hain:

“Koofah Me dedh hazaar (1500) Sahaba kiram akar utre.”

(FATHUL QADEER LIL IMAM IBNE HUMAAM 91/1)

tabqaat Ibn Saad me Allama Ibn Sa’ad Rah Bahawala Nafe’ Bin Jubair Bin Muti’m Hazrat Umar Razi Allahu anhum ka Koofah ke bare me ta’assur likha hai.

بالكوفة وجوه الناس(طبقات ابن سعد ج 6)

Tarjuma:- Koofah me Bade Bade log hain.

Zahir hai ki Hazrat Farooq e Azam razi Allahu anhum yahan jis wajahat ka tazkira farma rahe hai .wo Deeni Aur Ilmi wajahat hi ho sakti hai .is ki taaeed khud Hazrat Umar razi Allahu anhu is khat (letter) se hoti hai jo Aap ne Koofah walo ke naam likha hai, ye khat (letter) Allama Zahbi rah ne tazkIratul Huffaaz me baain Alfaz Naqal kiya hai.

HAZRAT -E- UMAR RAZI ALALHU ANHU KA KHAT(LETTER) AHL-E- KOOFAH KE NAAM:

إني قد بعثت إليكم عمار بن ياسر أميرا وعبد الله بن مسعود معلما ووزيرا، وهما من النجباء من أصحاب محمد صلى الله عليه وآله وسلم من أهل بدر، فاقتدوا بهما واسمعوا، وقد آثرتكم بعبد الله بن مسعود على نفسي.(تذكرة الحفاظ 1/16)

Mai ne tumhare pass Ammar Bin Yasir razi Allahu anhum ko bahesiyat Ameer Aur Abdullah Bin Masood razi Allahu anhu ko Muallim Aur Wazeer rawana kiya hai. Ye  dono Hazraat Huzur-e- Anwar sallallahu alaihi wasallam ke Sahaba hai. Muntakhab aur Bargazeeda Hastiyaan hai Shurakaaye Badr me se hai tum unki Iqteda karo. Dekho Abdullah Bin Masood razi Allahu anhu ke mamle me mai ne tum ko apne upar tarjeeh di hai.

(TAZKIRATUL HUFFAZ 1/16)

CONTD INSHA ALLAH

IMAM BUKHARI RAH AUR AHNAAF

Tambeeh:-

Qaraeen -e- Muhtaram Hazrat Imaam Bukhari rah ke ibtedai Haalaat , Talab e ilm aur Simaa’ e Hadees ke liye safar se do baten Khul kar hamare samane tai hai.(contd insha Allah)

??

1.    Awwal:

Ye ke Ahnaf  ke Hazrat Imaam Bukhari rah se nihayat Behtar Ta’lluqaat the, Chunanche Imaam Abu Hafs Kabeer Rah ki Imaam Bukhari rah ke walid Ismail Rah Se akheer Waqt tak Dosti rahi, Imaam Bukhari rah, Imaam Abu Hafs Kabeer Rah ke Halqa-e- Dars me Shareek hote rah,e Aap Se “Jame Sufyan” ka simaa’ kiya, Imaam Abu Hafs Kabeer Rah ki Aap par Bharpoor Tawajjah Rahi aap ne Imaam Bukhari rah ki Shorat ki pesh goi farmai Jis ka Zuhoor Dunya ne dekha. Aap Imaam Bukhari rah ki Maali Muawanat(help) farmate rahe, Aap ke sahabzade Imaam Abu Hafs Sagheer rah jin ke bare me Imaam Zahbi Raqamtaraz hain .

كان ثقة اماما ورعا زاهدا ربانيا صاحب سنة و اتباع(سير اعلام النبلاء12/216)

Tarjuma . Aap Siqah the, Imaam the, Nihayat parhezgar the, Zahid the, Aalim-e- Rabbani the, aur nihayat Muttabe’ Sunnat the .

Ye  Hazrat Imaam Bukhari rah ke Muddat e Madeed Tak Talb-e- Ilm me Rafeeq e safar rahe. Hazrat  Imaam Abu Hafs Kabeer rah (mutawaffi 217 hijri ) aur Hzrat Imaam Abu Hafs Sagheer rah (mutawaffi 264 ) dono kibaar-e- Ahnaf me se the . Bukhara me Ahnaf ki riyaasat -e- Ilmi Aap Hazraat par kahtam thi.

 Hazrat Imaam Bukhari rah ne tehseel-e- Ilm ki Ibteda me Hazrat Imaam Waqee’ rah, Hazrat Abdullah Bin Mubarak rah ki Kitabe Azbar kar li the Aur Jame sufiyan rah ka simaa’  kiya tha, Ye kitaben  Fiqh Hanafi par mushtamil thin Kyun keh Hazrat Imaam Waqee’ rah aur Hazrat Abdullah Bin Mubarak rah dono Hazrat Imaam Abu Hanifa Rah ke Arshad talamiza me se hai aur Hanafi hain . imam  Sufyan Sauri rah, Imaam Abu Hanifa rah ki Majlis-e- Dars me haazir Huwe Hai aur Un se Hadis riwayat ki hai. Albatta Imaam sahab rah ki fiqh unhone Ali Bin Mishar rah(mutawaffi 189 hijri) se haasil ki hai Jo Imaam Abu Hanifa rah k Mukhtas talamizah me se shumaar kiye jate hain, Imaam Sufiyan Sauri rah ne Apni Jaame’ ki tasneef me bhi ziyada tar un hi se madad li hai. chunanche Yazeed bin Harun Rah (mutawaffi 204 hijri.) farmate hain

كان سفيان ياخذ الفقه عن علي بن مسهر من قول ابي حنيفة و انه استعان به وبمذاكرته علي كتابه هذا الذي سماه الجامع.(مقدمه كتاب التعليم مسعود بن شيبة ص133)

Tarjuma : Sufiyan Sauri rah Imaam Abu Hanifa rah ki fiqh ko unhone Ali Bin Mishar rah se hasil karte the aur Un hi ki madad aur Muzakare se unhone ye kitab Jis ka naam JAAME’ rakha hai Tasneef ki hai.

DUWWAM(2): Ye kE Imaam Bukhari Rah Harmain Sahreefain ke safar ke baad IRAQ tashreef le gaye aur wahan Basrah, Koofah aur Baghdad waghaira ke Muhaddesin se Ahadis Hasil ki, Aap ka Qaul piche guzar chuka hai ki mai Basra 4 Martaba gaya Aur Kufa aur Bagdad ko Itni martaba jana hua ki Shumar bhi nahi kiya jasakta, Isse sabit hota hai ki Imaam Bukhari rah ke nazdeek Mulk e Iraq ki Ilm-e- Hadis ke Hawale se bahut Ahamiyat thi .Aur wahan ke Muhaddeseen ko Intehai Qabil-e- Aetemad samajhte the . Aap ne wahan ke Muhaddeseen se jinme Bahut se Imaam Abu Hanifa rah aur unke Talamiza Qazi Abu Yusuf Rah aur Imaam Muhammad Rah ke Shagird aur thait Hanafi the . Unse Ahadis e Mubaraka Hasil ki Aur unko Is Qadar Ahmiyat di ki Apni Aham Tareen kitab Bukhari Shareef me jagah jagah zikr farmaya.

contd insha Allah.

TALAB E ILM KE LIYE IMAM BUKHARI RAH KE ASFAAR

Basrah:-

(Basrah) me Aap ne Imaam Abu Asim AlNabeel rah .(Tilmiz Imaam Abu Hanifa Rah ), Muhammad Bin Abdullah Ansari rah( Tilmiz Imaam Abu Hanifa rah.) Abur Rahman Bin Hammad Ashshuaeesi Rah , Mohammad bin UrUrah rah, Hajjaj bin Minhal rah , Badal Bin Muhabbar rah , Abdullah Bin Rajaa’ rah, Safwan Bin Isa Rah , Hurmi Bin Ammara Rah, Affan Bin Muslim Rah, Suleman Bin Harb rah, Abu Alwaleed Attayaalsi rah (Tilmiz Qazi Abu Yusuf rah ) ,Muhammad Bin Sinaan rah .Waghairah Muhaddiseen ee Ahadees Hasil Kin.

KOOFAH:-

(Koofah me) Ubaidullah Bin Musa rah (Tilmiz Imaam Abu Hanifa rah ), Abu Nuaim Fazal Bin Dukeen Rah (Tilmiz Imaam Abu Hanifa rah .) ,Khalid Bin Makhullad Rah , Talq Bin Ghannam rah, Khalid Bin Yazid AlMuqri Rah, Ahmad Bin Yaqub rah , Ismail Bin Aban Rah, Hasan Bin Rabi Rah , Sayeed Bin Hafs Rah, Umar Bin Hafs Rah, Urwah Rah, Qubaisa Bin Uqbah rah, Abu Ghassan Rah waghaira Muhaddesin Se Ahadees Hasil Ki.

Baghdad:-

(Baghdad me) Me Aap ne Imaam Ahmad Bin Hambal Rah .(Tilmiz Qazi Abu Yusuf rah) Mohammad Bin Sabiqu Rah, Mohammad Bin Isa Bin Tabbaa’ rah, Suraij Bin Noman Rah Waghaira Muhaddiseen se Istefada kiya (Siyar A’laamun Nubala 12/394, Tehzeeebul Asmaa 1/72)

 Imaam Zahbi Rah ka kehna hai ke Hazrat Imaam Bukhari rah ne Majmooi taur Par Ek hazar Assi (1080)Mashaikh Se Hadis ka Simaa’ kiya(Siyar A’laamun Nubala 12/395).

Yaad rahe ki Simaa’ -E- Hadees Aur Talab e Ilm ke In safron me Imaam Abu Hafs Kabeer rah Hanafi ke Sahabzade Imaam Abu Hafs Sagheer rah Hanfi(264) Imaam Bukhari Rah ke rafeeqe e Dars Aur hamsafar rahe Chunanche Imaam Zahbi rah tehreer farmate hai :

و رافق البخاري في الطلب المدة

Tarjuma : Imaam Abu Hafs Sagheer rah Talab e Ilm me ek muddat tak Imaam Bukhari rah ke rafeeq -e- safar rahe (Siyar A’laamun Nubala 12/618)

Tambeeh:-

Qaraeen -e- Muhtaram Hazrat Imaam Bukhari rah ke ibtedai Haalaat , Talab e ilm aur Simaa’ e Hadees ke liye safar se do baten Khul kar hamare samane tai hai.(contd insha Allah)

IMAM BUKHARI KA SIMAA E Hadees KE LIYE SAFAR

SIMAA E Hadees KE LIYE SAFAR:-

Mashaaikh Bukhara se taqreeban 6 saal istefada kar lene ke baad 210 hijri me jabke aap ki umar 15 ya 16 saal ke qareeb thi aap apni Walida Mohtarma aur bhai Ahmad ke hamraah Makkah Mukarrama tashreef le gaye, Hajj e Baitullah ki sa’aadat haasil ki, Walida aur bhai wapas Bukahra aagaye aur Imaam Bukhari rah Wahin Husool-e- Ilm me mashghool hogaye, Makkah Mukarrama me 2 sal Qiyaam farmaya aur yahan ke mashhoor Muhaddiseen  Maslan Abu Abdur Rahman Almuqri rah(Tilmeez Imaam Abu Hanifa rah) Hisaan Bin isaan Ehsan Basrai rah, Abul Waleed Ahmad Bin Azraqi rah aur Imaam Humaidi rah se istefada kiya Makkah Mukarrama ke arbabe Ilam se tehseele Kamaal ke bad 212 hijri me jabke Aap ki umar Mubarak 18 saal thi , aap Madina Munawwara rawaana huwe yahan aap ne Abdul Azeez Bin Abdullah Owaisi rah, Ayyub Bin Suleman Bin Bilaal, Ismail Bin Abi Owais Rah aur in ke ilawa digar Muhaddiseen se istefada kiya.(SIYAR A’LAAMUN NUBALA 12/395)

  Harmin Sharifain ke ilawa Talab e Hadees Ke silsele me Aap SHAAM, IRAN, IRAQ, MISR, JAZEERAH Waghaira Mumalik e Islamiya Tashreef le gaye aur Wahan ke Muhaddiseen se Ahadis e Mubaraka hasil ki, Khud Aap ka apna bayan Hai

Tarjuma: Mai Shaam , Misr  aur Jazira 2 martaba gaya, Basrha 4 Martaba Gaya, Hijaaz e Muqaddas me 6 saal muqeem raha aur Kufa O Baghdad Me Muhaddeseen ke sath mujhe Kitni Martaba Jana pada ye to mai Suhmar bhi nahi kar sakta.

(HADYUS SAARI 478)

IMAM BUKHARI KE TALIB E ILMI KE DAURAN ZIHANAT KE CHAND WAQIAAT

Ek martaba Saleem Bin Mujahid, Muhammad bin Salam Bekandi rah ke pass tashreef laye to aap ne un se farmaya agar tum zara der pehle aajate to aisa ladka dekhte jise 70,000 Hadeesen yad hai. Saleem Bin Mujahid rah ka bayan hai ke mujhe yeh sun kar badi hairat hui aur mai us ladke ki talash me nikla mulaqat hui to maine kaha tum ko 70,000 ahadis ke yaad hone ka dawa hai, is par aap ne farmaya beshak mujhe is qadar balki is se bhi zyada yaad hai ,Sirf Ahadees hi par kyy munhasir hai silsila-e- Sanad me tum jis ke mutalliq bhi poochoge un me se aksar ki jaaye sukonat aur Tareekh e wafaat ka bhi pata de sakta hun aur apne riwayat karda aqwaal -e- Sahaba o Tabaeen ke bare me  bhi batla sakta hu ki wo kin kin aayat o ahadis se makhuz hai (SIYAR A’LAAMUN NUBALA 12/417)

Ek martaba Aap k ustad Muhammad Bin Salaam Bekandi rah ne aap se farmaya: “Tum meri tasaneef ko ek martaba apne mutala’ se nikal do aur is me jaha galti ho uski islah kar do, kisi ne bade Ta’jjub se pucha ki ye ladka kaun hai? Jiska matlab ye tha ki aap Imamul Asr hokar bhi usse apni islah ke liye keh rahe hai, Imam Bekandi rah ne kaha ki: iska koi saani o muqabil nahi hai (Tehzeebul Kamaal 22/459).

 Bukhara me Muhaddis Daakhili rah ka Halqa-e- Dars bhi Qayam tha. Imaam Bukhari rah aap ke halqe Dars me bhi jaya karte the. Ek din aisa hua ke ustad mohtaram ne sanad bayan karte huwe

سفيان عن ابي الزبير عن ابراهيم

 farmaya , aap ne arz kiya ki sanad is tarah nahi hai kyun ki ABU ZUBAIR (ابي الزبير)ne Ibrahim (ابراهيم) se riwayat nahi ki, Muhaddis Dakhili rah ne Imam Bukhari rah ko Tifl e Na amooz samajh kar daant diya lekin aap ne Adab se arz kiya ki agar aap ke pass asal ho to Muraaja’at farmalen . muhaddis  Dakhli rah uthe aur apni jagah ja kar kitab nikali Imaam Bukhari rah ki bat durust thi wapas aye aur farmaya : Ladke asal sanad kis tarah hai ? Imaam Bukhari rah ne kaha الزبير و هو ابن عدي عن ابراهيم, Ustad ne Imaam Bukhari rah se Qalam le kar apni Kitab ko durust kiya aur farmaya tum ne sach kaha kisi ne Imaam Bukhari rah se pucha ki jis waqat ye waqiya pesh aya us waqt aap ki umar kitni thi ? Farmaya 11 saal. (SIYAR A’LAAMUN NUBALA 12/393)

Tehseel-e- Ilm

Tehseel-e- Ilm :-

Imam Bukhari rah ki tehseel-e- Ilm Ka zamana bachpan hi se shuru hota hai. Ibtedai Taleem me Hadees ke sath sath Ilm w fiqh ki taraf tawajjo ki aur Imaam Wakee’ rah aur Hazrat Abdullah bin Mubarak rah jaise ustaad e fann ki tasnifaat ka mutala’ kiya aur un kitabo ko azbar kar liya .(Siyar A’laamun Nubala safha 393) Apne watan Maloof hi me Imaam Abu Hafs Kabeer rah se “JAME’ SUFIYAN” ka simaa’ kiya chunanche khateeb Baghdadi ba sanad naqal karte hai - Mohammad Bin Ismail Bin Mugheera Jo’fi (Imaam Bukhari rah) ne bayan kiya ki mai Abu Hafs (Kabeer )rah  Ahmad Bin Hafs ke pass Jame sufiyan ka samaa’ apne walid ki kitab me kar raha tha ki wo ek harf se guzre jo mere yaha na tha maine un se muraja’at ki unhone dubara wahi batlaya mai ne dubara muraja’at ki fir unhone wahi batlaya aakihr me teesri dafa muraja’at ki to zara chup rahe aur daryaft karne lage ki ye kaun hai ? logo ne kaha ki Ismail Bin Ibrahim Bin Bardizbah ka ladka hai farmane lage is ne Saheeh batlaya, yaad rakkho ye ladka ek din mard-e- Maidan banega . (Tareekh e Baghdad 2/11)

Imaam Bukhari rah bachpan me aksar Imaam Abu Hafs Kabeer rah ki khidmat me ate jate rahte the. Ek  dafa Imaam Abu Hafs rah ne farmaya

“Ye jawaan nihayat hi Aqalmand hai mujhe ummed hai ki age chal kar is ki badi shohrat aur charcha hoga . (SIYAR A’LAAMUN NUBALA 12/425)

Qalandar har cah goyed deeda goyed k misdaq Imaam Bukhari rah ki waisi hi shohrat huwi jaise ki un ke ustad Imaam Abu Hafs rah ne peshangoi farmai thi .Imaam Abu Hafs Kabeer rah ko chunki Imaam Bukhari rah ke walid se gehra talluq tha is bina par aap ko Imaam Bukhari rah se bhi Fitri taur par talluq raha .

Ek martaba Imaam Abu Hafs Kabeer rah ne Imam Bukhari rah ko is Qadar maal e tijarat bheja jis ko baaz tajiron ne 5000 ke nafey se un se khareeda aur baaz tajir is se bhi dugne nafe par wo maal lene ko tayyar teh .Lekin Imaam Bukhari rah ne apne irade ko badalna pasand nahi farmaya (HADYUS SAARI 479)

 Allama Mizzi rah ne Imaam Abu Hafs rah ko Imaam Bukhari rah k mashaekh me shumar kiya hai (Tehzeebul Kamaal 24/433)

 Isi Arse me Imaam Bukhari rah ne un tamam shuyookh e Bukhara se Ahadis ka zakhira jama kar liya jo us waqt mumtaz Muhaddis suhmar kiye jate the aur jinki darsagaahen Taalibeen e Hadees ke liye markaz thi. Un shuyookh me Muhammad Bin salam Bekandi (Mutawaffi 225 hijri) Abdullah Bin Muhammad Masnadi (meem 229 hijri) aur Haroon bin Ash’as ke asmaa’ Qaabil-e- Zikr hain.

Imaam Bukhari rah nau umri hi me Ilm e Hadees me us martabe o muqam par faiz hogaye the ki bade bade asatezah aap se mar’oob hojate the aur aap ke shareek dars hone se sambhal jate the ke kahin koi laghzish na hojaye. Allama Bekandi rah ne to ye bhi farmaya hai ki Muhammad Bin Ismail ke aajane se mujh par aalam-e- tahayyur tari ho jata hai aur mai unki wajah se ahadis bayan karte huwe darta hun (SIYAR A’LAAMUN NUBALA 12/417)

Paidaish Aur Ibtedaai Haalat Imam Bukhari rah

Paidaish Aur Ibtedaai Haalat :-

Hazrat Imaam Bukhari rah 13 shawwal Namaz-e- Juma ke baad 194 hijri me Nau Azaad riyasat UZBAKISTAN ke tareekhi shahar- city- me paida huwe . (HADYUS SAARI 477) Imaam Bukhari rah ke walid majid Ismail rah ka chaunke Imam Sahab rah ke bachpan hi me Inteqal ho gaya tha isliye aap ne Apni walida majida ka aagosh-e- Shafaqqat me nasho o numa payi .

Imaam Bukhari rah ki bachpan me nazar chali gai thi aur aap Naabina ho gaye the aap ki walida ko is se bahut hi sadma hua Allah ke huzur me ro ro kar dua karti thi ke Ilaahi mere bachche ki nazar lauta de, ek raat khaab me dekha ki Hazrat Ibrahim alaihis salaam farma rahe hai: Aye Khatoon!

قد رد الله  علي ابنك بصره بكثرة دعائك

Transliteration:"Qad raddallahu Alaa ibniki basarahu bikasrati Duaaiki "

Tarjuma: Allah ne teri Kaseer Duao ki badaulat tere bachche ki nigah lauta di hai, Aap jab so kar uthin to dekha ki waqai unki nazar laut aai hai (HADYUS SAARI 478)